【悭钱上班族】中上环区平价饭堂推介

而家成日都话百物腾贵，一众上班族搵钱之余仲要捱贵饭，开饭仔就搜罗各区嘅平价饭堂畀大家，食得饱仲可以锡住个银包，首先睇吓出名贵嘅中上环区先啦～皮薄馅多饺子店 饺掂手工饺子云吞专门店图：EricaMa7315位于中环嘅小店，主打各式手工饺子同云吞，提供煎饺同汤饺两种选择，满足唔同口味嘅客人。餐厅嘅招牌汤底「状元九鼎汤」以粉葛、顺德活鲮鱼、春山活鲗鱼、新会陈皮以及鲜排骨等製成，味道清甜，配搭饺子或云吞都咁滋味。而韭菜猪肉饺同云耳椰菜猪肉饺，都係抵食及人气之选，前者香气扑鼻，馅料鲜美；后者口感丰富，清新爽口。道地港式粥麵店 忠记粥品图：阿啦以传统港式粥品闻名，每日新鲜製作，深受街坊喜爱。餐厅提供多款粥品选择，如皮蛋瘦肉粥、艇仔粥等，粥底绵滑，配料丰富。此外，佢哋肠粉、炸両等小食亦备受推崇，油炸鬼每日新鲜製作，外脆内软，配上肠粉简直绝配。餐厅环境简朴，价格实惠，係附近上班族同居民嘅午餐好去处。诚意麵食小店 阿爸鲜食图：NETfoodie主打台式风味嘅麵食外卖店，以高质素食材同细心烹调见称。台湾熟成牛肉麵以多种中药材熬製，味道浓郁，牛肉经过14小时慢煮，肉质软腍，配上弹牙嘅手工麵条，再加埋白萝蔔、红萝蔔、青菜等配料，超丰富！想食清啲就试吓养生鸡丝汤麵，选用新鲜鸡肉，汤底清甜，麵条爽滑。秘製鸡丝拌麵同而家常见嘅四川口味拌麵唔同，以黑酱油拌匀，清爽鹹香，鸡肉分量充足，配有木耳、白萝蔔、红萝蔔等，连埋辣菜脯一齐食，味道层次丰富。人气高质车仔麵 麵尊图：为食思知名嘅车仔麵专门店，车仔麵选择多样化，配料丰富，当中酸斋、咖喱鱿鱼、猪颈肉同滷水鸭肾都深受食客喜爱。酸斋酸辣开胃，吸满汤汁就更好味；咖喱鱿鱼香辣惹味；猪颈肉嫩滑弹牙；滷水鸭肾经过精心滷製，口感爽脆，配搭各式麵条简直一流。店内嘅麻辣酱更係一大特色，香气扑鼻，为车仔麵增添独特风味。亲民价烧肉店 满满食堂图：PP ANNIE喺中环令人意想不到嘅性价比之选！位于呢个高消费地段提供质量唔错嘅烧肉选择，呢度嘅石烧套餐同铁板餐性价比高，虽然比上文几间餐厅贵，但200g嘅牛肩扒只需$88就食到，再高质啲嘅牛肉都係$100左右就食到，肉味十足！而其他饭餐同麵类都超抵食，如照烧鸡肉杂锦丼、猪软骨拉麵都係五十几包饮品，平民化又有诚意。文：Yanica编：Cathy其他人也在看