修哥搵锺镇涛做自己youtube channel节目嘉宾唔少艺人近年都开设YOUTUBE频道，就连92岁嘅修哥胡枫都搞咗个网上访谈节目《修哥万花筒》。咪以为修哥人缘好又得高望重，访问会「就住就住」，最新一集修哥搵锺镇涛做嘉宾，讲起B哥哥拍拖多年先至娶女友范姜，向来出名好男人嘅修哥当堂有火。成段对话B哥哥睇落相当尴尬呢集访问本来都係胡枫同锺镇涛话当年兼食好西，仲大叹红酒。点知酒都未饮完，修哥率先发炮，成段对话B哥哥睇落相当尴尬。修︰饮杯先，饮杯我至闹你。B︰闹我？随便啦！修︰听闻你认识范姜好耐？B︰（犹豫一会）点样耐法？识咗佢都廿几年啦喎！修︰认识好耐，然后先同佢求婚……其实一个咁好嘅老婆，应该好快向佢表示呀嘛！B︰我唔得闲呀！修︰吓？喂喂，一个贤妻良母喺你面前，你唔得闲？B︰唔止我唔得闲，大家都唔得闲。我要还债，仲要做嘢，仲有好多大家要做嘅嘢。但係我哋个心，已经喺埋一齐……修（插口）︰心？你冇名份喎，你唔啱。你真係唔啱胡枫听到锺镇涛以唔得闲为由唔结婚，表现相当讶异B︰就係因为唔啱，所以就算全世界都觉得我哋係一对嘅时候，我都要搞返个婚礼……所以我觉得呢样係一直对佢唔公平。修︰係啰，所以点解我要闹你啰！B︰佢都明白我。所以好多年之后……虽然已经有2个女，但係我地都要正正当当搞返个婚礼。嗰时啲仔女係花仔花女。修︰当时你係开心嘅。好似话，佢（范姜）都等咗八年B︰唔止呀。（修哥即刻「吓」一声）唔止八年啦。我个女(同章小蕙所生嘅锺嘉晴)都好大。佢凑大咗我之前嘅仔女，生咗两个细路，所以点止八年。修︰（叹气）唉，真係呀！（二人半秒沉寂）B︰我地都结咗婚十年，好难得。修︰好难得B︰有啲私人嘢，唔知可以讲几多好，有时讲太多人哋都未必想听你啦，但我觉得係天赐俾我。锺镇涛意图转话题，随后胡枫都打圆场，并且谈到B哥哥对书法嘅兴趣，二人对话又变返闲话家常。锺镇涛1997年同章小蕙离婚，后来承认同台湾女友范姜素贞拍拖。二人拍拖多年，阿B同范姜育有两女锺懿及锺帼，到2014年锺镇涛同范姜素贞喺峇里岛结婚。佢地嘅大女、今年20岁嘅锺懿尽得爸爸音乐天份，更加现身B哥哥有份嘅温拿演唱会上演出，今年6月锺懿喺内地音乐节正式出道。按此下载全新 APP，睇尽最新娱乐新闻、乐坛消息、名人热话、热门电影、Netflix剧评，新人更可即时换领限量新人礼，立即下载！其他人也在看
有话要说...