黎芷珊首谈《战场上》被腰斩：始终我唔係新闻部冇咁敏感

黎芷珊主持的无綫综艺节目《战场上》播出后，被质疑政治立场引来多位网民投诉，令节目播出两集便要停播。今晚（7日）芷珊担任筹款节目《欢乐满东华》的司仪，对于《战场上》被腰斩，她表示很用心去拍摄，希望观众锺意，但想不到跟观众有如此大的落差：「我会尊重公司，当时係台庆期间，如果话题再发酵唔係咁好，呢个唔係我嘅预期。（有冇谂过事件发酵咁耐？）算唔算耐呢？无綫都冇乜几何发生。」她称无綫总经理曾志伟有跟她倾过，问到节目会否有机会重见天日？她称要等公司安排：「始于製作係公司。（你会建议点做令节目重新播出？）当然想重见天日，但我一己之力冇用，其实大家未睇完个节目，你睇晒就会知道个节目係好平衡。」黎芷珊在节目被腰斩后潜水多时，终于现身担任大骚主持。她坦言观众反应与自己预期不符合。她希望节目能重见天日，但亦会尊重公司安排。讲到落力拍摄，但节目却遭腰斩，芷珊直言大感失落及可惜，她自言：「可能我唔係呢个範畴，我係做开娱乐，希望下次再做好啲、敏感啲。（会唔会惊咗呢类节目唔再拍？）唔会，不过始终我唔係新闻部，冇咁敏感，新闻部製作嘅话会好啲。（曾志伟有冇话点补偿你？）冇，冇补偿，我之后会开拍《芷珊约你》第二辑，几时拍就要睇我几时约到嘉宾喇！」此外，谈到她缺席台庆，她解释自己当日要代表公司到印尼参加颁奖礼：「《芷珊约你》喺当地有提名，虽然攞唔到奖，但冇失望，志在参与。」至于缺席台庆，她就解释是代表公司到印尼出席颁奖礼。汪明荃今晚（7日）亦有现身，每年其粉丝会都会摺银纸花筹款，今年亦不例外，汪明荃透露今年的银纸花名为《红花绽放荃如意》，喻意幸福，以100及50元纸币摺成，价值12800元，底价68000，她说：「希望卖到好成绩，过往都有20万元，唔知今年有冇。」而她今晚会献唱新歌《Make My Day》。汪明荃粉丝一如以往摺银纸花筹款。其他人也在看