星光背后｜谭耀文放下歌手身分多年 相隔18年后再推新歌：一直都好挂住唱歌

谭耀文放下歌手身分多年 相隔18年后再推新歌：一直都好挂住唱歌凭剧集《纵横四海》及电影《野兽刑警》夺得金像奖「最佳男配角」的谭耀文(Patrick)，演技早获认同，惟外间却淡忘了他是88年新秀冠军歌手出身，更是梅艳芳第二位入室徒弟。事隔超过18年，谭耀文推出最新派台歌《拼命三郎》接受雷霆881商业一台《星光背后》专访，亲述再战乐坛梦想开骚的心路历程。节目中，谭耀文除了忆述当歌手时曾经历9个月无工作无收入的低潮期外，更甜蜜分享认识圈外太太后的大转变，此外，他还首度披露曾四度婉拒亮相怀旧歌唱节目《流行经典50年》，他说：「唔想俾人觉得我係食老本！」放下歌手身分多年，被问为何相隔18年后再推出新歌：「其实一路都想录返首歌，一直都好挂住唱歌，但因为拍戏嗰边又好顺利，咁就摆低咗歌手条路。」《流行经典50年》曾令不少前辈歌手再获关注，问谭耀文为何不参与，他首度披露，「有搵过我4、5次，但我觉得节目唔适合自己。当时我拒绝，係因为我等紧一只新歌先想行返上台，我唔想只唱旧歌，想有新嘢俾人，唔想俾人觉得我係食老本，唔想做一个俾人怀缅嘅角色。」他亦亲解新歌《拼命三郎》原非电影主题曲，「嗰阵为电影《逃狱兄弟3》配音响戴伟(音乐人)录音室，休息嗰阵听到佢弹紧一个我几锺意melody，同佢倾吓倾吓就话不如录咗先，无谂过係咪主题曲，纯粹係想做首新歌。之后收到《拼命三郎》个剧本就开始联想，觉得题材好适合，仲拉埋导演落水搵佢填词。」谭耀文亦分享对《拼命三郎》这首歌的感受：「《拼命三郎》入面个角色亦正正係我想带被人嘅讯息，人到某年纪曾经风光过，而家就有一个再振作嘅意思。」谭耀文指重拾歌手身分不单只出一首歌，他坦承出道以来未曾举行个唱，他希望继续出歌之余，更希望一愿歌手梦举办首次个人演唱会。89年至94年，谭耀文于华星推4张专辑后转型拍剧，98年转投亚视凭《纵横四海》大反派角色明志杰突破事业高峰，被问及华星时期出碟的成绩是否不似预期而转型，他说：「赢完新秀好梦幻，一出门好多fans，一心想好多事发生，但当时太细个，忽略咗人际关係，四只碟的确无一只歌大hit。当时无谂咁多，因为收入对我好重要，已经有9个月无收入，我仲要还钱比华星，所以我一直都等紧出路。咁岩就有剧集嚟搵我，仲要做主角！嗰时就觉得可以为自己开多条路，点之一拍就上瘾，觉得演戏可能係我终身职业。」谭耀文承认遇到《纵横四海》及《野兽刑警》前，曾经历迷惘及沮丧：「最初做演员，要忘记做歌手时嘅风光，忘记当时有成条team跟住自己做野，一出门又有粉丝跟住，要忘记呢啲感觉，要当自己係个好普通人，要重新嚟过！嗰阵试过日日食杯麵，唔敢返屋企，唔敢面对父母同朋友，觉得自己跌咗落嚟，感觉辛酸又孤独。」不过，谭耀文亦感恩这些经历帮助他在演戏上打好基础，让他演艺路上能取得更多成就。相对于事业路兜转，谭耀文的爱情路很快便修成正果，男人30就与圈外美容院老闆娘Fiona结婚，婚后亦很有计划地育有一对子女，他说：「我比较传统，觉得男人要係30岁前做啲成绩，跟住就要结婚成家立室。」他亦指遇见太太后令他改变很多，感激太太助他计划家庭及累积财富，「我以前个人咩都唔关心，做演员乜秩序都无，特别係理财方面，以前我乱洗钱，如果无我太太，我搵几多钱都会无哂，又或者同人夹份做生意无晒。虽然我同太太一开始拍拖价值观上係唔夹，我係无心机听，因为过惯咗艺人生活，而佢就係好贴地，所以会有磨擦。后尾有太太帮我规划，令我关心多咗呢个世界发生紧咩事，亦令我人生好有planning。」其他人也在看